نادي السكة بالزقازيق نادي رياضي اجتماعي ثقافي
متابعة – محروس سليم :
في إطار اهتمام إدارة النشاط الرياضي برئاسة الهيىئة ، بكل النجوم والرياضيين الذين يسعون دائما لرفع اسم الهيئة عاليا ، في كافة المحافل الرياضية ، ولإيمان إدارة النشاط الرياضي أن وراء هؤلاء النجوم مجالس إدارات قوية ، وقديره على إدارة نواديهم بكفاءة واقتدار ، وتوفير كل الدعم لهؤلاء النجوم .
فقد نشرت صفحة إدارة النشاط الرياضي برئاسة الهيئة ، شكر وتقدير وثناء ودعم ، لمجلس إدارة نادي السكة الحديد ، برئاسة المحاسب محمد بدوي ، جاء به :-
انتخابات نادي السكة الحديد والزقازيق على الابواب يا رجالة!
في الزقازيق المدينة اللي اتولدت منها الشهامة، واتربّى فيها الكرم،
وفي محافظة الشرقية اللي الناس فيها لما تختار تختار صح وبقلب راجل
بيطلعوا اتنين مش مجرد مرشحين
لّا دول عنوان الرجولة والمدرسة والموقف الصح:
الريس محمد بدوي – الجنرال أسطورة الإدارة في الشرقية
ده مش مجرد رئيس نادي
ده قائد ميدان رجل دولة عقل إداري لما يمشي يمشي على أرض صلبة.
الجنرال اللي كل إنجاز في النادي هو توقيعه
اللي كل ركن في السكة الحديد بالزقازيق يشهد إنه رجل بيعرف يخطّط وينفّذ ويكسب احترام الكل.
ده محمد بدوي اللي وجوده في أي مكان = انضباط × تطوير × احترام.
ملك الإدارة… لو الإدارة فرس، يبقى هو الفارس اللي ما يتهزمش.
الكابتن ياسر الكاس – بابا الشغلانة… قلب النادي ورجل الإنجاز
ده لو مسك ملف صغير يطلع منه مشروع
لو مسك مشروع يطلّع منه بطولة
ولو مسك فريق يرجّع له الروح.
رياضي من فئة المحترفين،
قلب جامد، وعقل منظّم، وروح قتالية…
ده الرجل اللي الناس تقول عليه:
“ده يشغل الدنيا كلها ويقف هو يشرف عليها!”
بابا الشغلانة مش لقب، ده تاريخ طويل من الشغل الرجولي اللي كله حبّ للنادي وأهله.
الثنائي اللي محدّش يقدر عليهم
عارف يعني إيه “الثنائي الذهبي”؟
يعني اتنين لما يتحطّوا جنب بعض… النادي يتحوّل لمنارة نجاح:
إنجازات رياضية باينة
نشاط ثقافي عامل حركة
إنشائيات بتتبني كل يوم
تربية وروح وأخلاق للمستقبل
الاتنين واحد
واخدين بعض على الجد… وعلى الشغل… وعلى حب الناس.
مش بيجروا ورا كرسي
دول بيجروا ورا نهضة نادي كامل.
الشرقية الليلة ما تنامش
عندنا الجنرال محمد بدوي
وعندنا بابا الشغلانة ياسر الكاس
وعندنا نادي اسمه نادي السكة الحديد بالزقازيق يستاهل رجالة من دهب.
الليلة مش عادية
الشرقية كلها حتقول بصوت واحد:
“هما دول الأصل… هما دول الحق… هما دول مستقبل النادي.”
مع حبي واحترامي وتقديري للنادي سكه حديد الزقازيق وأعضاء الجمعية العمومية للنادي وكل رياضيين حبايبي الغاليين اخوكم ياسر عبدالرحمن .
